Yng Ngwanwyn 2020 bydd Opera Cenedlaethol Cymru yn perfformio Tymor llawn ddirgel, temtasiwn a gwewyr.


Ni all yr un dyn wrthsefyll swynion hudoles fwyaf y byd opera, Carmen. Bydd cynhyrchiad newydd WNO yn cyflwyno’r holl angerdd a drama sy’n ddisgwyliedig o’r opera eiconig hon ynghyd â cherddoriaeth hudolus Bizet, sy’n cynnwys yr enwog Toreador Song a Habanera pryfoclyd Carmen.

I sain clychau priodas, dial a chwyldro sy’n gosod yr olygfa ar gyfer Les vêpres siciliennes. Yn y cynhyrchiad newydd, trawiadol hwn, mae’r Cyfarwyddwr David Pountney a’r tîm creadigol y tu ôl i La forza del destinoac Un ballo in maschera yn uno i gwblhau Trioleg Verdi WNO.

Daw’r Tymor i ben gyda’r opera comig poblogaidd, The Marriage of Figaro. Mae gan y cynhyrchiad a leolir yn yr oes o’r blaen holl nodweddion opera glasurol, a gyda sgôr ragorol Mozart yn dod â’r cyfan yn fyw, byddwch ar flaen eich sedd hyd nes yr olygfa olaf.