Antonio Najarro

Wedi'i eni ym Madrid, mae Antonio Majarro yn ddawnsiwr ac yn goreograffydd a raddiodd o’r Royal Conservatory of Professional Dance ym Madrid. Yn 1997, cafodd ei dderbyn i’r Ballet Nacional de España a daeth yn brif ddawnsiwr ac yn goreograffydd tair blynedd yn ddiweddarach. Yn 2002, sylfaenodd Antonio ei gwmni ei hun, Compañía Antonio Najarro, lle aeth ati i greu, cynllunio coreograffi a pherfformio chwe chynhyrchiad: Tango Flamenco (2002), Flamencoriental (2006), Jazzing Flamenco (2008), Suite Sevilla (2011), Alento (2020) a Querencia (2022). Antonio oedd Cyfarwyddwr Ballet Nacional de España rhwng 2011 a 2019, ac mae ei goreograffi wedi’i gynnwys mewn cystadlaethau sglefrio ffigyrau a nofio artistig rhyngwladol, perfformiadau sydd wedi ennill medalau aur yng Nghystadleuaeth Sglefrio Ffigurynnau’r Byd, a chystadlaethau Olympaidd. Mae Antonio’n cael ei wahodd ledled y byd fel coreograffydd dawns Sbaenaidd, ac yn cyfarwyddo’r gystadleuaeth dawnsio Sbaenaidd ar y teledu, Un País ên Danza.