![DSC03518](https://d26xc2l5xmkpuu.cloudfront.net/_imager/93b42e6b19ecda37beedc17a3bbff876/DSC03518_1dc158ccc6e7180af5c83dcabdfc1b83.jpeg)
Cysur
Prosiect sy’n pontio’n cenedlaethau yw Cysur, a gynlluniwyd i gyfoethogi bywydau pobl sydd wedi cael eu heffeithio gan ddementia a chodi ymwybyddiaeth o'r clefyd o fewn plant ysgol.
Gyda thua 48,000 o bobl yn byw gyda dementia yng Nghymru, mae Opera Cenedlaethol Cymru wedi ymrwymo i weithio o fewn cymunedau ledled Cymru i gynnig lle i bobl ddod ynghyd a chael hwyl gyda ffrindiau a theulu drwy ganu cymunedol.
Mae Côr Cysur yn gymuned gefnogol ac yn cynnig cyfle wythnosol i aelodau gymdeithasu, ail-fyw atgofion melys a gweithio trwy ystod eang o gerddoriaeth boblogaidd, alawon gwerin, emynau, ac unrhyw beth arall sy'n mynd â'u ffansi. Mae'r sesiynau awr yma wedi eu teilwra i allu'r aelodau ac yn cynnwys gemau hwyliog i gynhesu’r ymennydd a'r llais a dysgu cerddoriaeth manwl, y cyfan wedi’i gyflwyno mewn amgylchedd hamddenol a chefnogol.
Aelod o Gôr CysurMae'n amgylchedd cynnes a chefnogol, rhywbeth i'w drysori
![DSC03652](https://d26xc2l5xmkpuu.cloudfront.net/_imager/93b42e6b19ecda37beedc17a3bbff876/DSC03652_3019db4cd1765f6f596b9ed8cd69fd13.jpeg)
Theatr Torch, Aberdaugleddau, SA73 2BU Llun 10:30 - 11:30am
![WNO Cradle Choir Llandeilo 2](https://d26xc2l5xmkpuu.cloudfront.net/_imager/f821025910a85c3953bbd573bef50c16/WNO-Cradle-Choir-Llandeilo-2_c41ab767723ba8b51d4e7530f1fcd6ed.jpg)
Capel Newydd, Llandeilo, SA19 6HN Llun 2 - 3pm
Aelod o Gôr CysurMae'n awr o lawenydd pur
Mae codi ymwybyddiaeth cyn bwysiced â rhoi cymorth i bobl sydd wedi cael eu heffeithio gan ddementia. Trwy raglen o weithdai, rydym yn cyflwyno plant ysgol i ddementia, gan gynyddu eu hempathi a'u dealltwriaeth o'r hyn y mae'n ei olygu i fyw gyda'r clefyd, sut gall cymdeithas gefnogi pobl sy'n byw gyda’r clefyd, ochr yn ochr â datblygu sgiliau ysgrifennu caneuon a pherfformio gyda hwyluswyr WNO a threulio amser gyda thrigolion lleol sy'n byw gyda'r clefyd.
Am fwy o wybodaeth, cysylltwch â Chynhyrchydd WNO Jennifer Hill ar Jennifer.Hill@wno.org.uk
![WNOCradlechoirconcertkirstenmcternan134](https://d26xc2l5xmkpuu.cloudfront.net/_imager/93b42e6b19ecda37beedc17a3bbff876/WNOCradlechoirconcertkirstenmcternan134_abffc125495221d3cbbf73d43e4236b9.jpg)
![WNOCradlechoirconcertkirstenmcternan121 WEBSITE](https://d26xc2l5xmkpuu.cloudfront.net/_imager/93b42e6b19ecda37beedc17a3bbff876/WNOCradlechoirconcertkirstenmcternan121-WEBSITE_0de57b7205fa831a833f0f0674924f59.jpg)
![WNOCradlechoirconcertkirstenmcternan243 WEBSITE](https://d26xc2l5xmkpuu.cloudfront.net/_imager/93b42e6b19ecda37beedc17a3bbff876/WNOCradlechoirconcertkirstenmcternan243-WEBSITE_c36e8bce9073be8cc77400c5a8d8485f.jpg)
![WNOCradlechoirconcertkirstenmcternan277 WEBSITE](https://d26xc2l5xmkpuu.cloudfront.net/_imager/93b42e6b19ecda37beedc17a3bbff876/WNOCradlechoirconcertkirstenmcternan277-WEBSITE_abffc125495221d3cbbf73d43e4236b9.jpg)