Trosolwg
Fe anwyd Carlo Rizzi yn Milan ac astudiodd y grefft o arwain yn y Conservatoire yn y ddinas, cyn mynd ymlaen i astudio yn Siena gyda Franco Ferrara, ac yn Bologna gyda Vladmir Delman. Mae’n mwynhau gyrfa ryngwladol ac roedd yn Gyfarwyddwr Cerddoriaeth WNO o 1992 i 2001 a 2004 i 2008. Cafodd ei benodi’n Arweinydd Llawryfog WNO yn Hydref 2015. Ers 2019, mae wedi bod yn Gyfarwyddwr Cerddoriaeth Opera Rara, y cwmni a leolir yn y DU sy’n mynd ati’n ddiwyd i atgyfodi’r repertoire o weithiau sydd heb eu darganfod, neu nad ydynt yn cael digon o bwys, gan gyfansoddwyr llwyddiannus o fyd opera a’r rheini sydd wedi’u hesgeuluso, gyda’r bwriad o ddychwelyd at eu gwaith.
Gwaith diweddar: I Vespri Siciliani, La Fanciulla del West (Wiener Staatsoper), La bohème, Un ballo in Maschera (The Metropolitan Opera), Romeo and Juliet, Il trovatore (Opéra National de Paris), Aida (New National Theatre, Tokyo), Manon Lescaut (Bayerische Staatsoper), Un ballo in maschera (WNO).
