Natalia Adera

Ganwyd a magwyd Natalia Adera yn India lle derbyniodd hyfforddiant ysgoloriaeth gan un o gwmnïau dawns mwyaf mawreddog y wlad. Gan ei bod wedi astudio gyda nifer o athrawon ledled y byd, mae hi wedi rhagori ym myd y bale, Bollywood, a bolddawnsio, ac mae ganddi brofiad eang mewn perfformio ar y llwyfan, ym myd y ffilm ac mewn theatrau. Ychwanegodd Natalia neuadd ddawns, Lladin a fflemenco i’w repertoire dawns cyn symud i’r DU yn 2014, lle parhaodd i berfformio, dysgu a chystadlu, gan ennill gwobrau mewn nifer o gystadlaethau rhanbarthol a chenedlaethol. Mae hi nawr yn gweithio ledled y DU fel dawnsiwr proffesiynol ac amryddawn, ac wedi perfformio yn y Royal Opera House dros y tair blynedd ddiwethaf.