Rebecca Evans
Trosolwg
Ganwyd Rebecca Evans yn Ne Cymru ac astudiodd yn Ysgol Cerdd a Drama’r Guildhall. Mae wedi perfformio rolau arweiniol ar gyfer cwmnïau opera ar hyd a lled Ewrop ac America.
Mae uchafbwyntiau ei gyrfa’n cynnwys: Contessa The Marriage of Figaro, Despina Così fan tutte, Mimì La bohème a Pamina The Magic Flute (pob un gyda RBO), Governess The Turn of the Screw, Romilda Xerxes a Ginevra Ariodante (pob un gydag ENO), Alice Ford Falstaff (Teatro Real Madrid) a Marschallin Der Rosenkavalier, Ilia Idomeneo, Liu Turandot, Gretel Hansel and Gretel ac Angelica Orlando (pob un gydag WNO). Mae ei hymddangosiadau gyda Metropolitan Opera yn cynnwys Susanna The Marriage of Figaro a Zerlina Don Giovanni. Mae hefyd wedi canu Ginevra, Despina ac Ilia yn y Bayerische Staatsoper, Munich, a Despina yn y Deutsche Staatsoper, Berlin.
Yn Nhymor 2024/25 dychwelodd Rebecca at RBO ac ENO fel Marcellina yn The Marriage of Figaro, yr opera y mae’n cael ei chysylltu bennaf â hi mae’n debyg.
Mae’n ymddangos yn rheolaidd mewn cyngherddau, mewn gwyliau fel Proms y BBC, ac yn perfformio gyda cherddorfeydd gan gynnwys yr LSO, Hallé a’r Accademia Santa Cecilia. Yn artist sydd wedi ennill gwobr Grammy, mae wedi recordio’n aml gyda Syr Charles Mackerras a Syr John Eliot Gardiner.
Mae Rebecca yn Ymddiriedolwr Ymddiriedolaeth Elusennol Colwinston ac yn noddwr sawl elusen, yn cynnwys Shelter Cymru, Tŷ Hapus a Music in Hospitals Wales. Derbyniodd CBE yn Anrhydeddau Pen-blwydd y Frenhines yn 2020, ac mae hefyd yn llysgennad ar gyfer rhaglen Artist Cyswllt WNO.
