Mae’r arweinydd o America Ryan McAdams yn teimlo'r un mor gartrefol yn y tŷ opera ac y mae yn y neuadd gyngerdd, ac ar ddwy ochr yr Iwerydd. Yn eiriolwr dros gerddoriaeth gyfoes, mae Ryan yn Brif Arweinydd y Crash Ensemble, grŵp cerddoriaeth gyfoes mwyaf blaenllaw Iwerddon, yn perfformio yng Ngŵyl New Music Dublin a Gŵyl Cerddoriaeth Gyfoes Huddersfield. Mae hefyd wedi gweithio gydag Opera Cenedlaethol Iwerddon yng Ngŵyl Gelfyddydau Ryngwladol Galway, y Barbican, Llundain, Opera Cenedlaethol yr Iseldiroedd, Saratoga Opera a Opernhaus Zürich.
Mae rhai uchafbwyntiau diweddar yn cynnwys dychwelyd i’r Orchestre National de Ile de France ym Mharis, Cerddorfa Genedlaethol Gwlad Belg, Istanbul State Orchestra a Cherddorfa Sinfonica Siciliana ym Mhalermo, y Teatro Filarmonico Verona y Ludwigsburger Schlossfestspiele. Mae Ryan wedi gweithio gyda llawer o gerddorfeydd Eidalaidd fel I Pomeriggi Musicali, Cerddorfa Sinfonica Siciliana, Orchestra della Toscana, Filarmonica del Teatro Comunale di Bologna a Cherddorfa’r Teatro Lirico di Cagliari ac mae wedi cydweithio’n helaeth â chwmnïau opera a cherddorfeydd ledled America.
Ef oedd y cyntaf erioed i dderbyn Gwobr Arweinydd Newydd Syr Georg Solti a Gwobr Aspen-Glimmerglass am Arwain Opera. Bu’n Gymrawd Arwain yn Tanglewood ac yn Arweinydd Cynorthwyol yng Ngŵyl Gerdd Aspen ac yn Brentis Arweinydd yng Ngŵyl Cas-bach Lorin Maazel. Astudiodd Ryan yn Ysgol Juilliard a Phrifysgol Indiana ac roedd yn Ysgolor Fulbright. Pan nad yw Ryan yn teithio, mae’n byw gyda’i deulu yn Brighton.
