Trosolwg
Mae Tomáš Hanus yn Gyfarwyddwr Cerdd WNO, swydd y mae wedi ei dal ers y tymor 2016/17. O 2025/26 mae’n ymgymryd â’r rôl Prif Arweinydd Gwadd Cerddorfa Symffoni Gwlad yr Iâ.
Mae ei gyfnod gydag WNO wedi’i amlygu gan berfformiadau clodfawr o Peter Grimes, Così fan tutte, The Makropulos Case, The Barber of Seville, Jenůfa, Carmen, The Cunning Little Vixen, Der Rosenkavalier, Die Fledermaus a Khovanshchina. Yn ddiweddar arweiniodd gynhyrchiad Syr David Pountney o From the House of the Dead yng Ngŵyl Janáček yn Brno, lle derbyniodd Fedal Goffa Leoš Janáček i gydnabod ei gyfraniad eithriadol i waddol y cyfansoddwr. Y Tymor hwn mae’n arwain The Flying Dutchman.
Mae uchafbwyntiau Tymor 2025/26 yn cynnwys ei ymddangosiad cyntaf fel Prif Arweinydd Gwadd Cerddorfa Symffoni Gwlad yr Iâ, dychwelyd i Gerddorfa Symffoni Radio Prâg, ac ymddangosiad yng Ngŵyl Wanwyn Prâg gyda’r Deutsches Symphonie-Orchester Berlin. Ar y llwyan opera, mae’n dychwelyd i Opera'r Wladwriaeth Fienna am gynhyrchiad newydd o The Bartered Bride a pherfformiadau adfywio The Makropulos Case, a hefyd i’r Bayerische Staatsoper ar gyfer The Bartered Bride.
Mewn Tymhorau diweddar mae wedi ymddangos am y tro cyntaf gyda Staatsoper Stuttgart (Salome) a Staatsoper Berlin (Rusalka), yn ogystal ag ymddangosiadau gwadd gyda cherddorfeydd gan gynnwys Cerddorfa Symffoni Prâg. Mae rhannau nodedig eraill yn cynnwys ei ymddangosiad cyntaf gyda Cherddorfa Ffilharmonig Radio’r Iseldiroedd, Dalibor yn Theatr Brno a Rusalka yn Teatro alla Scala.
Ers ei ymddangosiad cyntaf buddugoliaethus yn Opera'r Wladwriaeth Fienna gyda Rusalka, mae Tomáš yn westai rheolaidd, yn arwain gweithiau yn cynnwys Hänsel und Gretel a The Makropulos Case (gan ddefnyddio’i fersiwn bwerus ei hun o’r sgôr Bärenreiter), yn ogystal â chynyrchiadau newydd o operâu yn cynnwys Jenůfa a Rusalka. Mae ganddo berthynas yr un mor agos â’r Bayerische Staatsoper, lle mae wedi arwain ystod eang o repertoire ers ei ymddangosiad cyntaf yn 2009.
Ar y llwyfan opera rhyngwladol, mae wedi ymddangos yn Opéra national de Paris, Grand Théâtre de Genève, Dresden Semperoper, Danish National Opera a Teatro Real Madrid. Dechreuodd ei yrfa fel Cyfarwyddwr Cerdd y Janáček Opera, Theatr Genedlaethol Brno, ble bu’n gweithio o 2007 hyd 2009. Ers hynny mae wedi dychwelyd yn rheolaidd i’w famwlad y Weriniaeth Tsiec, fwyaf diweddar ar gyfer The Makropulos Case yn y Theatr Genedlaethol ym Mhrâg.
Fel arweinydd symffonig, mae Tomáš wedi gweithio gyda cherddorfeydd gan gynnwys y Gerddorfa Ffilharmonig Frenhinol, Cerddorfa Hallé, LSO, Cerddorfa Symffoni’r BBC, MDR Leipzig, SWR Sinfonieorchester Baden-Baden, Ffilharmonig y Weriniaeth Tsiec, DSO Berlin, Camerata Salzburg, Cerddorfa Ŵyl Mostly Mozart (Efrog Newydd), a Cherddorfa Ffilharmonig Genedlaethol Rwsia, ymhlith sawl un arall.
Mae wedi recordio’n helaeth gyda Ffilharmonia Prâg a Cherddorfa Ffilharmonig Gwladwriaeth Brno, ac yn fwy diweddar gyda Cherddorfa Symffoni Prâg FOK, yn cynnwys symffonïau gan Viktor Ullmann. Mae ei weithiau ar y cyd gydag unawdwyr blaenllaw o’r Weriniaeth Tsiec wedi eu rhyddhau ar Lotos Records.
Cefnogir rôl Cyfarwyddwr Cerddoriaeth WNO gan Marian a Gordon Pell
What’s On StageFe wnaeth [TomášHanus] blethu tapestri cyfoethog o ddanteithion o’r sgôr anhygoel mewn darlleniad o tenutos cywrain, dewisiadau tempo sensitif a chwarae cerddorfaol perffaith
The Guardian....teyrnged angerddol a gwych i Mahler
