Dosbarthiadau Creadigol
Mae BBC NOW a’r WNO yn gweithio mewn partneriaeth ar gyfres o gyfleoedd DPP am rhad ac am ddim i athrawon ar draws y flwyddyn academaidd 2023-24, a fydd yn canolbwyntio ar greadigrwydd ac archwilio ffyrdd o fewnosod cerddoriaeth yn yr ystafell ddosbarth a sut mae hyn yn cysylltu gyda’r Cwricwlwm i Gymru newydd. Bydd y gyfres yn darparu cymysgedd o sesiynau hygyrch i Athrawon a Chynorthwywyr Dysgu CA1, 2 a 3.
Mae gan ein sesiynau wyneb wrth wyneb gyfyngiad ar niferoedd sy'n aelodau yn y grŵp, felly os ydym wedi cyrraedd y nifer mwyafrif byddwn yn ychwanegu eich manylion ar y rhestr aros a chysylltu gyda chi os bydd llefydd yn agor.
1. Dydd Gwener 19 Ionawr 2024 (9.30am-3.30pm)
Creu Cerddoriaeth gyda BBC NOW ac Opera Cenedlaethol Cymru
Lleoliad: Neuadd Hoddinott y BBC, Canolfan Mileniwm Cymru
Ieithoedd: Sesiynau ac adnoddau Saesneg
Dan arweiniad Samantha Mason a Freya Wynn-Jones, mae’r cwrs yn ystod y dydd hwn ar gyfer athrawon sy’n ansicr ynghylch sut i integreiddio cerddoriaeth i’w hystafell ddosbarth neu sydd angen ysbrydoliaeth i adfywio eu cynlluniau presennol. Trosolwg: Drwy gyfres o weithdai, rydym yn archwilio gwahanol ffyrdd o ymgorffori cerddoriaeth a chreadigrwydd yn eich addysgu, o gyflwyno cerddoriaeth i ddatblygu prosiect sy’n seiliedig ar gerddoriaeth a’r celfyddydau. Bydd cyfranogwyr yn gadael gyda gweithgareddau ymarferol i’w cyflwyno yn eu hystafelloedd dosbarth eu hunain a byddant yn deall sut all y rhain gysylltu â’r Cwricwlwm i Gymru. Noder: Os gwnaethoch fynychu’r sesiwn yn 2023 efallai y bydd peth o’r cynnwys yr un fath.
1*. Dydd Iau, 29 Chwefror 2024 (9.30am – 3.30pm)
Creu Cerddoriaeth gyda BBC NOW ac Opera Cenedlaethol Cymru
Lleoliad: Stiwdio Weston, Canolfan Mileniwm Cymru
Ieithoedd: Sesiynau ac unrhyw adnoddau yn Gymraeg.
Dan arweiniad Dyfed Wyn Evans a Ffion Glyn, mae’r cwrs dydd hwn ar gyfer athrawon sy’n ansicr ynghylch sut i integreiddio cerddoriaeth a drama i’w hystafell ddosbarth neu sydd angen ysbrydoliaeth i adfywio eu cynlluniau presennol.
Trosolwg: Drwy weithdai rhyngweithiol, archwiliwch wahanol ffyrdd o ymgorffori cerddoriaeth a chreadigrwydd i’ch addysgu, o ddulliau cyflym i ganlyniadau tymor hir. Bydd cyfranogwyr yn gadael gyda gweithgareddau ymarferol i’w cyflwyno yn eu hystafelloedd dosbarth eu hunain a byddant yn deall sut all y rhain gysylltu â’r Cwricwlwm i Gymru.
2. Dydd Mawrth 20 Chwefror 2024. (4.30-6pm) NEWID I SESIWN AR-LEIN
Rhoi Hwb i’ch Lles drwy Ganu gyda WNO. Gogledd Cymru
Lleoliad: Ar-lein
Ieithoedd: Cyflwynir y cwrs drwy gyfrwng y Gymraeg.
Dan arweiniad Jennifer Pearson, mae'r sesiwn ar ôl ysgol hon ar gyfer athrawon dosbarth ac addysgwyr cartref ar unrhyw lefel sydd am ddatblygu gwybodaeth ynghylch sut allwch gefnogi eich llais mewn bywyd bob dydd a sut ellir cymhwyso’r sgiliau hyn i ddisgyblion yn y dosbarth.
Trosolwg: Mae’n ffaith bod canu o fantais i bawb...ond sut allwn ni ddefnyddio’r wybodaeth yma’n effeithiol i gynorthwyo’n llesiant ein hunain a llesiant ein disgyblion.
Bydd arweinydd lleisiol y WNO, Jennifer Pearson, sy’n arbenigo mewn deall sut mae’r celfyddydau yn effeithio ar iechyd, yn eich arwain drwy ymarferion, sesiynau cynhesu a chaneuon, gan roi'r offer i chi warchod eich llais. Bydd y sesiynau hyn o gymorth i chi ddatblygu gwybodaeth am sut i gefnogi’ch llais mewn bywyd bob dydd a sut ellir cymhwyso’r sgiliau hyn i ddisgyblion yn y dosbarth.
3. Dydd Iau 7 Mawrth 2024, (4.30-6pm)
Rhoi Hwb i’ch Lles drwy Ganu gyda WNO, sesiwn fin nos
Lleoliad: Ar-lein
Ieithoedd: Cyflwynir y sesiwn ar-lein ar ôl ysgol hon drwy gyfrwng y Saesneg.
Dan arweiniad Jennifer Pearson, mae'r sesiwn ar ôl ysgol hon ar gyfer athrawon dosbarth ac addysgwyr cartref ar unrhyw lefel sydd am ddatblygu gwybodaeth ynghylch sut allwch gefnogi eich llais mewn bywyd bob dydd a sut ellir cymhwyso’r sgiliau hyn i ddisgyblion yn y dosbarth.
Trosolwg: Byddwch yn cael eich arwain drwy ymarferion, sesiynau cynhesu a chaneuon, gan roi'r offer i chi warchod eich llais.
4. Dydd Llun 13 Mai 2024 (4.30-6pm)
Archwilio Deg Darn, Dychryn Drwyddoch, gyda BBC NOW
Lleoliad: Arlein
Ieithoedd: Cyflwynir y sesiwn ar-lein ar ôl ysgol hon drwy gyfrwng y Saesneg.
Dan arweiniad Rachel Leach, mae’r sesiwn ar ôl ysgol hon wedi’i hanelu at athrawon dosbarth ac addysgwyr cartref o unrhyw lefel sydd am wneud dod â cherddoriaeth i’r ystafell ddosbarth yn gyflym ac yn hawdd. Os ydi hyn yn eich dychryn drwyddoch yna mae hwn i chi!
Trosolwg o’r sesiwn: Bydd y sesiwn hon yn archwilio gweithgareddau ac adnoddau y gallwch eu defnyddio’n hawdd yn y dosbarth a gartref i gefnogi’r Cwricwlwm i Gymru. Nod menter y BBC, Deg Darn, yw agor byd cerddoriaeth glasurol i blant a’u hysbrydoli i ddatblygu eu hymatebion creadigol i ddeg darn o gerddoriaeth drwy gyfansoddiad, dawns neu gelf ddigidol. Ewch adref gyda gweithgareddau byrion neu raglenni gwaith cyflawn y gallwch eu defnyddio gyda’ch dosbarth neu gartref.
Prif Gefnogwr - Prosiectau ac Ymgysylltu
