Ar ddydd Iau 9 Medi, nid yn unig yr agorodd ein Tymor yr Hydref 2021 yma yng Nghaerdydd yn ein cartref, Canolfan Mileniwm Cymru, ond roedd y dyddiad hefyd yn nodi dychweliad WNO i’r llwyfan ac agoriad y Ganolfan ar ôl y pandemig Covid. Derbyniodd ein perfformiad cyntaf, o The Barber of Seville gan Rossini, adborth hyfryd gan y gynulleidfa, dyma beth oedd gennych i’w ddweud.
Mynegodd rhai eu barn ar Twitter:
eraill, ar Facebook:
Carole PetersOMB, am gynhyrchiad hyfryd o The Barber of Seville. Dyma fy nhro cyntaf yn ôl ers y Pandemig, ac am ddechrau da. Comedi sy’n gwneud ichi chwerthin yn uchel, lleisiau swynol, llwyddiant llwyr. Llongyfarchiadau i bawb 😊💖😎
Val JonesRoedd The Barber of Seville yn wych neithiwr 😊🎶
Lloyd Llewellyn-JonesRoeddwn i wrth fy modd yn gwylio’r opera hon yr wythnos ddiwethaf! Y ffordd berffaith o fwynhau ar ôl (Gobeithio) trafferth Covid. Rhai o’r enghreifftiau gorau o ganu Rossini i mi eu clywed ers tro.
Anfonodd aelodau eraill o’r gynulleidfa ebyst i rannu eu hadborth, dyma ddetholiad:
‘Amser arbennig neithiwr, yr union beth oedd ei angen arnom.’
‘Llongyfarchiadau ar wledd o gomedi penigamp… llwyddiant ysgubol. Roedd y lleisiau i gyd yn rhagorol, ac roedd y cynhyrchiad, a welais am y tro cyntaf yn Hippodrome Bryste, wedi gweithio eto, perffaith ar gyfer y byd rydym yn byw ynddo.’
‘Cefais i a fy ngwraig bleser llwyr o fod yn y gynulleidfa nos Wener ar gyfer The Barber of Seville, a’i fwynhau’n fawr. Roedd y canu a’r actio yn cyrraedd lefelau uchel arferol WNO, ac roeddwn i wir yn gwerthfawrogi’r cydbwysedd rhwng y cantorion a’r gerddorfa.’
‘gwych!!’
Bydd The Barber of Seville ar daith tan ddydd Iau 2 Rhagfyr. Gobeithiwn eich gweld yn fuan mewn lleoliad sy’n lleol i chi ac edrychwn ymlaen at eich ymatebion. Ymunwch â’r sgwrs gyda #WNObarber.