Ein cynhyrchiad newydd ar gyfer tymor yr hydref yw War and Peace gan Prokofiev, sydd yn seiliedig ar nofel epig gan Tolstoy. Gyda’n cast o ganwyr dewr yn ymgymryd â nifer o rannau i ddweud y stori, dyma ein canllaw pwy ydy pwy ymysg y prif gymeriadau:
Ein prif rannau rhamantus yw Andrei, mab ac etifedd y teulu Bolkonsky, a Natasha, merch hudol Iarll ac Iarlles Rostov a greodd Tolstoy fel amlygiad cariad, natur a benyweidd-dra.
Mae eu teuluoedd yn cynnwys y Dywysoges Marya, chwaer Andrei, merch ifanc blaen sy’n cynnal ei bywyd unig gan dduwioldeb Cristnogol cryf a Chyn Dywysog Bolkonsky, tad Andrei a Marya. Ef yw disgynnydd teulu hynafol ac anrhydeddus, bellach yn hen ŵr, sy’n dal ei afael ar werthoedd cymdeithas ffiwdal sydd wedi dyddio. Iarll Rostov yw tad Natasha, gŵr o natur dda, ac sy’n hael gyda’i deulu a’i ddiddordeb yw cynnal pleserau ei deulu sy’n cyfrannu at ei ddinistr ariannol. Rydym hefyd yn cyfarfod Sonya, perthynas tlawd y Rostov (cyfnither Natasha) ac maent yn ei magu gyda’u plant ei hunain.
Cyfaill pennaf Andrei, Pierre, yw mab anghyfreithlon hen ŵr Rwsiaidd pwysig. Wedi’i addysgu dramor, dychwela i Rwsia fel un sy’n groes i’r graen, fodd bynnag, mae ei etifeddiaeth annisgwyliedig o ffortiwn fawr yn ei wneud yn ddymunol yn gymdeithasol. Priododd Helene, merch ifanc o deulu pwysig ond cafodd ei denu gan ei arian yn unig a chafodd sawl carwriaeth. Mae hi’n brydferth ac yn uchel ei pharch yn y gymdeithas uwch ond, mewn gwirionedd, yn ferch digon di-glem. Mae Anatole Kuragin, brawd Helene, yn hedonydd ac mae ei edrychiad golygus yn denu’r Dywysoges Marya, a hoffai ei phriodi oherwydd ei harian, a Natasha, y gwnâi pob ymdrech i’w swyno ond yn methu. Yn olaf, mae Dolokhov, cyfaill Anatole ac mae ei greulondeb a’i ddewrder yn chwarae rhan mewn gwahanol ddigwyddiadau yn y stori.
Mae llu o gymeriadau eraill hefyd yn cael eu cynrychioli yn y cynhyrchiad, ac mae’r siart isod yn dangos i chi sut maent yn cael eu cynnwys yn y stori:
