Ein cenhadaeth yn Opera Cenedlaethol Cymru (WNO) yw cyflwyno grym, drama ac emosiwn cignoeth y byd opera gerbron cynulleidfa mor eang â phosibl, gan roi lle blaenllaw i ansawdd artistig. Caiff popeth a welwch ar y llwyfan yn operâu WNO ei wneud yng Nghymru. O’r gwisgoedd cain, i’r wigiau trawiadol, i’r holl bropiau – mae criw ymroddedig o grefftwyr ac artistiaid yn dychmygu ac yn gwireddu pob cynhyrchiad a welwch, gan sicrhau rhagoriaeth artistig, o galon Cymru. Rhoddir y sgiliau hyn ar waith trwy’r holl sefydliad, gan gynorthwyo ein Hopera Ieuenctid a’n gwaith allgymorth i greu cyfleoedd anhygoel i artistiaid a chynulleidfaoedd y dyfodol gael cyflwyniad i’r byd opera.
Ni allwn gyfoethogi bywydau pobl trwy opera heb eich cymorth chi ac rydym angen eich help yn awr, yn fwy nag erioed, i gadw hud y byd opera yn fyw. Bydd unrhyw swm a roddwch yn siŵr o gael effaith fawr ar y gwaith a wnawn ar lwyfannau ac mewn cymunedau ledled Cymru a Lloegr. Gallwch ein helpu i barhau i gyflwyno cynyrchiadau uchelgeisiol a gaiff eu creu a’u gwireddu yng Nghymru; gallwch gynorthwyo artistiaid y dyfodol; a gallwch ein helpu i sicrhau rhagoriaeth artistig a phrofiadau gwefreiddiol ar gyfer y cenedlaethau sydd i ddod.
Sut y gall eich rhodd ein helpu:
Gallai £10 helpu i drawsnewid aelodau o’n cast a’u paratoi ar gyfer y llwyfan trwy ddarparu colur i ganwr ar gyfer perfformiad.
Os penderfynwch roi £25, gallech brynu digon o edau i bara mis ar gyfer ein hadran wisgoedd. Felly, byddai eich cymorth yn cael ei bwytho yn y gwisgoedd gwych, y dillad soffistigedig i ddynion a’r ategolion ysblennydd sy’n llwyddo i ddod â’n cynyrchiadau’n fyw.
Efallai eich bod wedi gweld faniau WNO ar hyd a lled y wlad pan fyddwn ar daith. Gallai rhodd o £50 dalu am MOT ar gyfer un o’n faniau, gan alluogi ein criw i deithio’n ddiogel i ddanfon setiau, propiau a gwisgoedd i wahanol leoliadau.
Os dymunwch helpu i sicrhau doniau Opera Cenedlaethol Cymru ar gyfer y dyfodol, gallai rhodd o £60 dalu am dymor o sesiynau i ganwr ifanc fel rhan o Opera Ieuenctid WNO.
Trwy gyfrannu £150, gallech helpu i greu mwstásh pwrpasol ar gyfer un o’n cantorion – mwstásh mor dda nes peri i chi gredu ei fod yn fwstásh go iawn.
Gallai rhodd o £500 helpu i dalu am gyfieithu uwchdeitlau ar gyfer ein Hopera Ieuenctid, gan sicrhau ein bod yn parhau i gyflwyno ein gwaith yn ddwyieithog trwy bob rhan o’r Cwmni.
Fel ffordd o ddiolch am eich cefnogaeth, rydym yn cynnig cyfle i chi ennill taith ‘y tu cefn i’r llwyfan’ yng Nghanolfan Mileniwm Cymru cyn un o berfformiadau Il trittico yn ystod Haf 2024*. Os hoffech inni gynnwys eich enw yn y gystadleuaeth hon, a wnewch chi gyfrannu rhodd cyn dydd Llun 3 Mehefin.
*Mae amodau a thelerau’n berthnasol.