Bluebeard’s Castle + Oedipus Rex Bartók + Stravinsky
–Trosolwg
The TimesMoody, lush and atmospherically sinister
The StageWelsh National Opera launches its 2026/27 season in high style
Yn y rhaglen ddwbl bwerus hon, mae dau ddarn o waith eithriadol o’r 20fed ganrif yn dod at ei gilydd mewn byd cyffredin o ddefod, dirgelwch a dwyster seicolegol. Mae’r noson yn cychwyn gyda llafarganu arallfydol Hildegard von Bingen, gyda O rubor sanguinis a Rex noster promptus est, wedi’u perfformio gan sopranos a mezzos y Corws WNO. O’r seinwedd hynafol, arallfydol hon, awn i fyd tywyll a dirgel Castell Bluebeard gan Bartók.
Yn Bluebeard’sCastle, mae Judith yn gadael popeth ar ôl er mwyn bod gyda’r Dug Bluebeard enigmatig. Mae’n darganfod yn fuan bod ei dŷ'n llawn drysau clo ac wrth iddi fynnu bod pob un yn cael ei agor, mae'n dadlennu nid yn unig cyfrinachau ei orffennol, ond rhywbeth llawer mwy cythryblus. Wrth iddi nosi, mae’n amhosibl gwahanu cariad ac ofn.
Yn yr ail hanner, daw'r un gosodiad llwm yn ddinas hynafol Thebes ar gyfer OedipusRex. Mae pla'n lledaenu drwy'r wlad, ac mae’r brenin yn benderfynol o ddatgelu'r gwir y tu ôl iddo. Wrth i'w chwilio ddwysáu, mae’n cael ei orfodi i ddod wyneb yn wyneb â ffawd nad yw’n gallu ei hosgoi. Daw’r hyn sy'n dechrau fel mynd ar drywydd atebion yn ddatgeliad torcalonnus.
Mae’r perfformiad unedig, gothig a llawn awyrgylch hwn yn weledol drawiadol ac yn creu cysylltiadau pwerus rhwng dwy chwedl fythol.
Mae'r fersiwn gwreiddiol o Bluebeard's Castle wedi'i greu gan English National Opera.
The GuardianGory, gruesome and gripping
Pricing
O dan 16 mlwydd oed
£10 pan fyddant gydag oedolyn â thocyn pris llawn (yn ddibynnol ar argaeledd)
Defnyddiol i wybod
Mae'n para am ddwy awr a 40 munud gan gynnwys un egwyl
Caiff ei ganu yn Hwngareg a Lladin gydag uwchdeitlau Cymraeg a Saesneg
Y canllawiau oedran ar gyfer y cynhyrchiad hwn yw 12+
Mae Oedipus Rex yn cynnwys momentau o oleuadau llachar.
You may also like
