Caneuon poblogaidd Mozart doeddech chi ddim yn ymwybodol eich bod yn eu gwybod

Os ydych chi'n meddwl nad ydych chi'n gwybod dim o gerddoriaeth Mozart, mae'n debyg bod angen i chi ailystyried. Mae Mozart wedi cyfansoddi mwy na 600 o weithiau gan gynnwys operâu, cerddoriaeth siambr, concertos a mwy, ac mae llawer o waith y cyfansoddwr yn adnabyddus y tu hwnt i fyd cerddoriaeth glasurol oherwydd iddo gael ei gynnwys mewn traciau sain ffilm, teledu a hysbysebion. Rydyn ni wedi dewis rhai uchafbwyntiau enwog o waith y cyfansoddwr, a gobeithio y byddwch yn gweld hyd yn oed os nad ydych chi'n gyfarwydd ag enw'r darn, unwaith y byddwch chi'n ei chwarae, nid yn unig y bydd yn teimlo'n gyfarwydd, ond efallai y byddwch chi hyd yn oed yn dechrau hymian hefyd.

Sonata Piano Rhif 16

Os ydych chi'n adnabod y sonata piano hwn, efallai ei fod oherwydd ei ddefnydd diweddar yn Bill and Ted Face the Music. Yn y ffilm hon, mae'r pâr yn teithio trwy amser i chwilio am bobl gerddorol hanesyddol ac yn dod o hyd i Mozart ar eu taith. Mozart sy'n perfformio'r sonata piano hon tra bod Jimmy Hendrix yn byrfyfyrio o'i gwmpas ar gitâr drydan, ac mae'r pâr yn cynnal brwydr gerddorol mewn llys o'r 18fed ganrif. Mae'r sonata piano hwn hefyd yn cael ei ddefnyddio'n aml mewn addysg cerddoriaeth i ddangos nodweddion allweddol cerddoriaeth glasurol. Mae’n dechrau gyda llinell fas Alberti, ac wedi’i hysgrifennu ar ffurf sonata, y ddwy nodwedd sy’n diffinio llawer o gerddoriaeth y cyfnod clasurol.

Yr agorawd o The Marriage of Figaro

Mae'r agorawd o The Marriage of Figaromor fawreddog ag y mae'n adnabyddadwy. Mae wedi ymddangos mewn llawer o draciau sain hysbysebion, teledu a ffilm, gan gynnwys Willy Wonka and the Chocolate Factory, Zombie Land a Trading Places. Gall selogion yr agorawd edrych ymlaen at berfformiad Cerddorfa WNO o’r agorawd y Gwanwyn hwn wrth i'n cynhyrchiad poblogaidd o The Marriage of Figaro ddychwelyd. 

Twelve Variations on Ah! Vous dirai-je, maman

Mae'n chwedl gyffredin yr ysgrifennodd Mozart dôn wreiddiol Twinkle Twinkle Little Star, si a ddeilliodd efallai o'i 12 amrywiad ar y fersiwn Ffrengig o'r darn. Ym mhob amrywiad, mae'r alaw wreiddiol yn dal i fod yn adnabyddadwy, hyd yn oed pan mae wedi'i pharu â newidiadau arddull Mozart.

Requiem Mozart

Requiem Mozart oedd y darn olaf o gerddoriaeth a gyfansoddodd cyn ei farwolaeth, ac roedd heb ei orffen pan fu farw. Un o'r adrannau mwyaf adnabyddadwy yw'r dilyniant Lacrimosa, ac os yw'r alaw linynnol agoriadol yn ymddangos yn gyfarwydd, gallai fod oherwydd ei hymddangosiad diweddar yn hysbysebion McDonalds neu o Lacrymosa Evanescence, cân roc boblogaidd sy'n samplu'r darn. 

Queen of the Night

Mae'r aria enwog hon o The Magic Fluteyn dechnegol anodd gydag arpeggios uchel sy'n cyrraedd F6. Mae wedi cael sylw mawr mewn diwylliant poblogaidd, felly os ydych chi'n adnabod y darn hwn, efallai y gallai fod o'i ymddangosiad yn y gyfres deledu Gossip Girl, ffilmiau fel Eat, Pray, Love, hysbysebion fel y rhai ar gyfer Alexa Amazon, neu efallai hyd yn oed fel y'u perfformiwyd gan Bibble yn Barbie Fairytopia: Mermaidia. 

Bydd cerddoriaeth Mozart unwaith eto yn dychwelyd i lwyfannau WNO ar draws Cymru a Lloegr y Tymor Gwanwyn 2025 hwn gyda The Marriage of Figaro. Mae cynhyrchiad set cyfnod WNO yn cynnwys setiau cain a gwisgoedd godidog ac yn cynnwys holl gynhwysion opera glasurol.