Fel popeth arall yn 2020, bydd Nos Galan ychydig yn wahanol eleni. Dim partïon, dim clymu breichiau i ganu Auld Lang Syne, dim cofleidio dieithriaid am hanner nos. Fodd bynnag, gallwch ddal i wisgo i fyny yn eich dillad smart a chodi gwydraid i’r flwyddyn newydd. Efallai y cymerwch rywfaint o ysbrydoliaeth gan Opera Cenedlaethol Cymru - mae gan Stevie Haynes-Gould o'n hadran Gwisgoedd amrywiaeth o wisgoedd addas o rai o'n cynyrchiadau blaenorol ar gyfer unrhyw wylau y mae'n eu rhannu yn y fideo hwn.
Mae partïon yn chwarae rolau pwysig mewn opera ac mae un o'r rhai mwyaf crand yn cael ei gynnal gan y Tywysog Orlofsky ynDie Fledermaus. Edrychwch ar y brodwaith cymhleth yn y gwisgoedd o'n cynhyrchiad yn 2011 a gynlluniwyd gan Deirdre Clancy.
Mae cynhyrchiad 2002 WNO o Rigoletto, a ddychwelodd i'n llwyfannau yn Hydref 2019, yn agor gyda chyfarfod gwleidyddol pwysig iawn a gynhelir gan y Dug sy'n camymddwyn. Dysgwch fwy am yr ysbrydoliaeth ar gyfer y gwisgoedd yn yr olygfa hon gyda Stevie a chael golwg fanylach ar un o'r gynau nos cymhleth.
Oeddech chi'n gwybod bod y Dylunydd ar gyfer The Rocky Horror Picture Show hefyd wedi creu gwisgoedd ar gyfer cynhyrchiad WNO? Dim teits rhwydi ffibr, clogynnau na hetiau uchel disglair yn The Marriage of Figaro ond mae rhai manylion anhygoel yn y gwisgoedd cyfnod yma.
Roedd The Greatest Showman ym mhob man dros y Nadolig ychydig flynyddoedd yn ôl, ond aeth opera i'r syrcas cyn hynny. Ysbrydolwyd ein cynhyrchiad o Lulu yn 2012 gan y top mawr gyda’r prif gymeriad yn gweithredu fel ringfeistr (neu feistres yn yr achos hwn).
Ni fyddai'n dymor y Nadolig heb gynnwys La bohème wrth gwrs ac roedd y Musetta hynod hudolus wir yn gwybod sut i greu argraff wrth ddod ar y llwyfan yn ein cynhyrchiad yn 2012 a gynlluniwyd gan Stephen Brimstone-Lewis. Dewis olaf Stevie yw gŵn arbennig sy'n ymddangos yn Act 2.
P'un a ydych yn eich gwisg parti gorau neu yn eich pyjamas nos Galan yma, codwch wydr i'r dyfodol a gwnewch ddymuniad y gallwn ni i gyd gyfarfod eto mewn theatrau a neuaddau cyngerdd yn 2021.
