Corws Cymunedol

Mae gwreiddiau Opera Cenedlaethol Cymru yn y gymuned, gydag aelodau’n dod at ei gilydd oherwydd eu cariad at gân. Mae Corws Cymunedol WNO yn gwahodd oedolion sy’n gantorion amatur o bob oed a chefndir, i ddod i gymryd rhan mewn profiadau operatig gyda WNO a bod yn rhan o gymuned WNO.

Nid grŵp sefydlog o gantorion yw Corws Cymunedol WNO; mae croeso i gantorion ddychwelyd neu ymuno o’r newydd fesul perfformiad, dim ond ichi gofrestru. Weithiau byddwn yn gofyn ichi ddod i glyweliad, ond nid bob amser – mae’n dibynnu ar natur y perfformiad terfynol.

Rydym hefyd yn cynnig cyfleoedd i ddysgu mwy am yr operâu rydym yn eu perfformio, gyda gweithdai ‘Blas ar’ yn ystod y dydd yn archwilio’r darn, a chyfle i wylio’r opera’n cael ei pherfformio i ddilyn.

Am fwy o wybodaeth cysylltwch â Branwen Jones 

#WNOcommchorus