‘Mewn cyfnod ansicr, mewn castell anhygoel ym mherfeddion gwlad Ewropeaidd ffuglennol, mae teulu aristocrataidd yn byw, gydag enw nad oes modd ei ynganu...’
Bydd cynhyrchiad newydd sbon Opera Cenedlaethol Cymru o Candide yn lansio ar lwyfan Canolfan Mileniwm Cymru cyn bo hir, cyn mynd ar daith ledled Cymru a Lloegr. Cawsom sgwrs â’r cyfarwyddwr, James Bonas, am ei obeithion a’i safbwynt ynghylch y cynhyrchiad.
Mae CandideLeonard Bernstein, yn hanes athronyddol diamser gan Voltaire sy’n dilyn dyn ifanc sy’n ceisio llywio ei fywyd drwy drychineb ar ôl trychineb, a hynny oll wrth iddo deithio'r byd fel mellten gyda’i amrywiaeth o gymdeithion. Gall y stori ei hun fod ychydig yn ddryslyd, felly mae’r cynhyrchiad newydd yn ceisio gwneud y darn hwn gan Bernstein, nad yw’n cael ei berfformio’n aml, yn hygyrch ac yn hwyliog i gyn nifer o bobl â phosibl. Mae’r sioe ei hun yn opereta, sydd hanner ffordd rhwng opera a sioe gerdd, lle mae cantorion opera’n cael cymorth microffonau, ac nid yw’r uwchdeitlau sydd fel arfer i’w gweld uwchben y llwyfan, yn cael eu defnyddio. Serch hyd y sioe, sef dwy awr a hanner, sy’n ystyriol iawn o’r gynulleidfa (yn wahanol i fersiynau blaenorol sydd wedi para tair neu hyd yn oed bedair awr), mae'n dal i fod yr un mor heriol a chyffrous o ran y canu a’r gerddoriaeth ag unrhyw opera neu sioe arall.
Mae WNO yn trosi fersiwn Lonny Price o Candideo Oes Voltaire i fyd heddiw gyda dull newydd, amlddisgyblaethol, er mwyn apelio at gynulleidfa fodern: mae cyfuno animeiddiadau syfrdanol Grégoire Pont, gwisgoedd pync, actorion, dawnswyr, cantorion, ensemble sioe gerdd, a Chorws a Cherddorfa WNO ar y llwyfan ar yr un pryd, yn sicr o gynnig profiad theatr gwefreiddiol a fydd yn eich syfrdanu. Yn ôl James, mae’r grymoedd hyn yn ‘rhoi cyfle inni archwilio byd sy’n llawn dychymyg, drygioni, hurtrwydd a rhyfeddodau, lle gallwn newid lleoliad, cymeriad a safbwynt mewn chwinciad.’
Peidiwch â phoeni, nid oes angen deall pob manylyn o'r plot , gan ei fod mor ddryslyd ac yn datblygu yn anhygoel o gyflym. Yn hytrach, mae James yn egluro mai canolbwynt y sioe yw dathlu ‘holl hurtrwydd y nofel, sy’n dwyn i gof Monty-Python’ a ‘gwychder y darn di-drefn, amhosib, afreolus hwn sy’n gwegian’ drwy’r holl ffrwydradau creadigol o weithgaredd ar y llwyfan. Gadewch i’r holl ysblander a’r hurtrwydd eich cydio.
Efallai bod taith Candide o gwmpas y byd yn teimlo filiwn o filltiroedd i ffwrdd o realiti presennol y 21ain ganrif, yn ôl James, ‘mae golwg ddychanol a miniog Voltaire ar y "byd gorau posibl" hwn yn parhau i fod mor ffyrnig, perthnasol a dirgrynol ag erioed.’ Yn wledd i’r llygaid a’r clustiau, mae fersiwn Bernstein o stori Candide yn berthnasol i ni hyd heddiw, yn adlewyrchu ein natur benderfynol a dyfal barhad ein hunain i oroesi cyfnodau heriol a llywio cysylltiadau newidiol.
Peidiwch â cholli’r cyfle i brofi Candide, sy’n agor yng Nghanolfan Mileniwm Cymru ar 22 Mehefin, cyn mynd ar daith i Truro, Llandudno, Rhydychen, Birmingham ac Aberhonddu.