Mae Caerdydd, cartref i Opera Cenedlaethol Cymru, yn paratoi i groesawu’r seren bop Taylor Swift heno. Mae Taith Eras Swift yn sioe tair awr a hanner anhygoel sy’n archwilio 18 mlynedd o ganeuon poblogaidd, fel Love Story a Blank Space. Gyda chymaint o ganeuon llawn geiriau dramatig am gariad, colled a thorcalon, mae’n anodd credu nad yw caneuon Swift wedi’u codi’n syth allan o ariâu a genir gan ein hoff arwresau operatig.
Wrth i orffwylledd Swift ysgubo prifddinas Cymru, ni allem helpu ond meddwl pa rai o ganeuon Taylor Swift fyddai’n ddigon cartrefol mewn opera?
Yn ei chân Ivy, mae Swift yn canu ‘I'd meet you where the spirit meets the bones, in a faith-forgotten land, in from the snow. Your touch brought forth an incandescent glow, tarnished, but so grand’sy’n ein hatgoffa o’r cyfarfod rhwng Rodolfo a Mimì yn La bohѐme. Gallai’r ‘forgotten land a’r ‘snow’ fod yr amodau oer a rhewllyd y mae’r cariadon yn byw ynddynt, a gallai’r ‘incandescent glow’ fod yn fflam cannwyll y mae Rodolfo yn ei chynnau ar gyfer Mimì yn ogystal â’r golau y mae’n ei weld ynddi.
Yn Salome Strauss, mae’r prif gymeriad Salome yn gwirioni ar Ioan Fedyddiwr, sy’n cael ei gadw’n garcharor gan ei llystad, y Brenin Herod. Mae’r proffwyd yn tanio dyhead Salome ac mae hi’n benderfynol o’i gael. Gyda geiriau o un o ganeuon diweddaraf Swift yn datgan ‘I just learned these people only raise you to cage you’ a'r herfeiddiol ‘I'll tell you something right now, I'd rather burn my whole life down’ mewn ymateb i anghydfod dros bwy allai neu allai ddim ei gweld yn rhamantaidd, mae But Daddy, I Love Him! yn ymddangos yn gân addas i Salome, y disgwylir iddi, fel Taylor, fod yn ‘Dutiful daughter’.
Mae yna lawer o ferched allai ganu ein can nesaf; mae I Knew You Were Trouble yn llawn geiriau am ddyn sy’n adnabyddus am garu a gadael a allai fod yn berthnasol iawn i fachgen drwg opera, Don Giovanni. Gyda llinellau fel ‘I was in your sights, you got mealone’ a ‘…you never loved me, or her, or anyone, or anything’ gallai'r gân hon am ferchetwr cyfresol gael ei chanu gan bob un o'r merched yn opera Mozart; o Zerlina, darpar briodferch sy'n cael ei hun ar ei phen ei hun gyda Don Giovanni i Donna Elvira sy'n rhybuddio eraill am ei ffyrdd drygionus.
A heb anghofio cân fwyaf torcalonnus y gantores bop enwog, All Too Well. Gallai’r faled deg munud o hyd am gariad a cholled fod yn opera fach ei hun, ond credwn y byddai All Too Well yn ffitio’n berffaith yn stori drasig Puccini, Madam Butterfly. Mae geiriau fel ‘Time won't fly, it's like I'm paralyzed by it’a ‘Just between us, did the love affair maim you too?’ yn ein hatgoffa o arhosiad dirdynnol Butterfly am ei gŵr, y swyddog llyngesol Americanaidd, Pinkerton. Blynyddoedd yn ddiweddarach, mae Pinkerton yn dychwelyd gyda gwraig newydd, yn dymuno mabwysiadu'r mab ifanc a aned iddo gan Butterfly, ac yn y foment hon gallwn ddychmygu Butterfly yn bloeddio llinell Swift ‘You kept me like a secret, but I kept you like an oath’ ac yn gofyn. ‘Just between us, did the love affair maim you too?’cyn gwneud penderfyniad terfynol, torcalonnus.
Wrth gwrs, mae yna lawer mwy o chwedlau torcalonnus mewn opera a chaneuon Taylor Swift, felly os ydych chi nawr yn cael eich hun yn yr hwyliau ar gyfer straeon serch dramatig, yna ewch i'n Digwyddiadur lle byddwch chi'n dod o hyd i'n holl gynyrchiadau sydd ar ddod. O Rigoletto i The Marriage of Figaro, rydyn ni'n siŵr y byddwch chi'n dod o hyd i rywbeth y byddwch chi'n ei garu.